Bashkë me refugjatët, vjen dhe terrorizmi

15 Nëntor 2015 - 16:55      

Vala e sulmeve terroriste në zemër të Europës i hap rrugë një tjetër debati; xhihadistë të kamufluar në radhët e mijëra refugjatëve që depërtojnë kontinentin çdo ditë.

Nëse verifikohet se pasaporta siriane e gjetur pranë trupave të terroristëve në Paris, i përket një refugjati që ka kaluar së fundmi në Europë, kjo do të ishte një goditje e fortë për politikën e dyerve të hapura të Angela Merkel.

Kufijtë e Europës janë në luftë të përditshme me krizën më të rëndë të emigracionit që pas Luftës së Dytë Botërore, transmeton tch. Për muaj të tërë, Greqia është kritikuar ashpër, kryesisht nga Gjermania, për dështimin e identifikimit të mijëra refugjatëve që kalojnë përmes vendit, për të arritur në Europën Veriore dhe Perëndimore.

Tensioni që ka mbërthyer unionin është i dukshëm , teksa krahu i vendeve lindore e kanë kundërshtuar vazhdimisht sistemin e detyruar të kuotave të azilantëve.

Kryeministri hungarez, Viktor Orban, ka qenë edhe jehona më e fortë e këtij qëndrimi kritik. Ai i ka akuzuar liderët perëndimorë se po mbjellin një politikë katastrofike dhe të rrezikshme si ekonomikisht dhe kërcënuese nga pranimi i refugjatëve sirianë.

Pakistani dhe Afganistani janë vatra të ekstremizmit militant dhe të ardhurit nga këto vende nuk kanë qenë të pakët.

"Ne jemi shumë të shqetësuar në lidhje me rrjedhën e refugjatëve që hyn përmes Europës Qendrore", tha një zyrtar i zbulimit gjerman. Ai shtoi se bazuar në përvojat e mëparshme të Al Kaedës pas rënies së talebanëve, ky është një opsion i lehtë për terroristët që të vënë në zbatim skemat e tyre.

Sipas profesorit të universitetit të George Town, Daniel Bajmen, në rast se refugjatët trajtohen vetëm si problem humanitar afatshkurtër, sesa si një sfidë afatgjatë, atëherë rreziku më i madh është radikalizmi fetar.

I ashtuquajturi “Shteti Islamik” nuk i ka shpallur luftë vetëm Francës, por të gjithë njerëzve të lirë në botë, shprehen opinionistet. Të gjithë duhet të angazhohen për një arsye shumë të thjeshtë: tani, nga terrori mund të preket kushdo.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...