“Bli kroatisht” me prodhime serbe, si reagoi kryetarja e Kroacisë

7 Dhjetor 2016 - 18:29      

Kryetarja e Kroacisë Kolinda Grabar Kitaroviq sot në Rjekë ka deklaruar se ka verifikuar përmbajtjen e shportës nga e cila shpërndante ëmbëlsira në Ditën e Mbrojtësve të Atdheut dhe se u befasua për keq kur ndau çokollata nga prodhuesi serb, transmeton Koha.net.

"Jam shumë e zhgënjyer sepse personalisht e përfaqësoj fushatën “Bli kroatisht”. Në atë shportë ka pasur prodhime që nuk kanë qenë të prodhimit kroat e që gjenden në tregun kroat. Kryetarja kroate duhet të prapagojë prodhimet kroate dhe kjo gjë më nuk do të ndodhë”, ka thënë Grabar Kitaroviq duke u përgjigjur në pyetjet e gazetarëve.

Ajo ka shtuar se është vërtetuar se një firmë kroate nga Vukovari e kishte paketuar shportën, njofton Index.hr.

“Iu kërkojmë falje prindërve që i morën këto çokollata dhe atyre do t’iu dërgojmë prodhime kroate”, ka thënë Grabar Kitaroviq.

© KOHA. Të gjitha të drejtat janë të rezervuara.