Mos i përqafoni qentë, ata na urrejnë

5 Nëntor 2016 - 19:38      

Përfundimi i një studimi disamujor për sjelljen e qenve në momentin kur përqafohen nga njerëzit ka mbërritur në një rezultat tronditës, të paktën për ata që e kanë një qen në shtëpi.

Studimi është vepër e disa shoqatave dhe lëvizjeve për mbrojtjen e kafshëve në Shtetet e Bashkuara. Në të u analizua sjellja e 250 qenve, para, gjatë dhe pas një përqafimi njerëzor.

Nga shprehia e vërejtur në portretin e kafshës, “psikologët” arritën në përfundimin se qentë ndjehen të stresuar dhe të trishtuar në momentin e përqafimit pasi kjo i pengon që të bëjnë atë që dinë të bëjnë më mirë; të vrapojnë dhe luajnë.

“Në shumë raste qentë mund të konsiderohen si pjesë e familjes. Gjithsesi, ata nuk janë njerëz dhe reagojnë ndryshe ndaj disa sjelljeve njerëzore, siç është përqafimi”, thotë Caroline Kisko, bashkëautore e studimit, transmeton TCH.

Studimi nxori gjithashtu në pah se dëshira më e madhe e qenve është që të ledhatohen, sidomos në pjesën e kraharorit.