Maskimet për Halloween nëpër botë [foto]

30 Tetor 2016 - 14:27      

Nata e Shtrigave, apo ndryshe e njohur në tërë botën edhe si Halloween, është afruar. Megjithatë, përgatitjet tashmë kanë filluar nga njerëzit e moshave të ndryshme, të cilët çdo vit bëhen pjesë e kësaj feste. Ashtu siç është i rëndësishëm kostumi, po kaq rëndësi ka edhe grimi.

Agjencia e lajmeve Reuters ka publikuar fotografitë duke shfaqur se si festohet Halloween nëpër botë, transmeton Koha.net.

Nga këto fotografi mund të shohim se njerëzit kanë zgjedhur që të maskohen frikshëm e disa të tjerë të bukur.

Ndër të tjera, ka të atillë, sidomos në Amerikë, që janë maskuar edhe si kandidati Republikan për kreun e SHBA-ve, Donald J. Trump.

Po ashtu, mund të shohim që një njeri ka vendosur para shtëpisë së tij një mur të madh me disa figura të frikshme e disa të tjera qesharake të Trumpit dhe kundërkandidates së tij Hillary Clinton e hipur në një kalë.

Ai, në këtë mur të madh ka shkruar edhe disa mbishkrime, të tilla si “Kufiri SHBA/Meksikë” e disa të tjera si “Të gjithë kemi qenë imigrantë”, “Shpresë”, “Lider i ardhshëm”, “Vlerat familjare”, “A është sistemi aq i keq saqë ta zgjedhim një të çmendur”, etj.

Për më tepër shikoni fotografitë më poshtë.

© KOHA