Ohri, në mesin e top 10 qyteteve më të mira për t’u vizituar më 2017

26 Tetor 2016 - 08:54      

Bordo është shpallur si qyteti më i mirë në botë, sipas listës së Lonely Planet për vendet më të mira për të udhëtuar më 2017.

I njohur për zgjedhje të shumta, Lonely Planet e ka potencuar Cite dy Vin, pjesën e njohur të qytetit francez për verëra, “revolucionin e tij gastronomik” dhe linjën e shpejtë të hekurudhës si arsye që i është atribuuar ky titull, transmeton Koha.net.

Në vendin e dytë është Cape Town, duke iu falënderuar atraksioneve të reja kulturore si Muzeu Zeitz i Artit Modern në Afrikë, ndërsa në vendin e tretë është Los Angeles, i cili tashmë ka zgjeruar rrjetin e trenit nëntokësor dhe ka rreth 50 hotele të reja që janë duke u ndërtuar.

Në mesin e 5 qyteteve më të mira, sipas Lonley Planet, gjendet edhe qyteti i Ohrit në Maqedoni, i cili, për ata që e kanë vizituar, i dinë arsyet. E për ata që ende s’kanë rastisur ta vizitojnë, duhet theksuar se Ohri njihet për plazhet e vogla të bukura, por duhet parë edhe Shën Naumin.

Këto janë top-10 qytetet më të mira për t’u vizituar më 2017, sipas Lonely Planet:

1. Bordo, Francë
2. Cape Town, Afrikë e Jugut
3. Los Angeles, SHBA
4. Merida, Meksiko
5. Ohër, Maqedoni
6. Pistoia, Itali
7. Seul, Kore e Jugut
8. Lisbona, Portugali
9. Moska, Rusi
10. Portland (Oregon), SHBA

Lonely Planet ka listuar edhe top 10 shtetet më të mira për t’u vizituar, e që vendin e parë, të dytë dhe të tretë e zënë Kanadaja, Kolumbia dhe Finlanda.  

© KOHA