Një lëvizje e vogël i shpëton jetën

1 Tetor 2016 - 13:39      

Një studente britanike, e cila kishte përfunduar në koma pas një aksidenti të rëndë, shpëtoi mrekullisht pasi lëvizi këmbën pak momente para se mjekët t’i fiknin aparaturën që e mbante në jetë.

22-vjeçarja Sam Hemming kishte pësuar dëmtime të rënda në kokë pasi makina me të cilën ajo po udhëtonte me të dashurin doli nga rruga duke i dëmtuar rëndë trurin dhe pa shpresa për ta rikuperuar, trnamsmeton tch.

Por pavarësisht dëmtimeve të saj, 22-vjeçarja e diplomuar për juridik, mundi parashikimet e mjekëve duke luftuar për jetën e saj.

Rreth 19 ditë pas aksidentit mjekët paralajmëruan prindërit të përgatiteshin për më të keqen pasi aparatura që e mbante gjallë do fikej pasi ata kishin konfirmuar se truri i 22-vjeçares kishte vdekur.

“Ne hymë në dhomë që t’i japim lamtumirën tonë, -tregon e ëma- kur mjekët po fiknin aparaturën pashë që ajo lëvizi këmbën dhe bërtita”.

Disa ditë pas kësaj mrekullie, mjekët do ta fiknin aparaturën, por kësaj here pasi 22-vjeçarja mund të merrte frymë vetë.

Rreth 8 javë pas aksidentit ajo ishte në një gjendje që të kthehej në shtëpi për të vijuar rikuperimin atje. Ajo tashmë ka rifilluar të ecë, por me ndihmën e një paterice.