U sulmua me acid, 19-vjeçarja sfilon në pasarelën e New Yorkut

10 Shtator 2016 - 10:06      

E shpërfytyruar si pasoje e një sulmi me acid, modelja 19­vjeçare sfidoi perceptimin e bukurisë duke sfiluar në pasarelën e javës së modës në New York.

Modelja indiane Reshma Quereshi, u shfaq me një fustan të bardhë me qëndisje, të dizenjatores Archana Kochhar.

Mediet ndërkombëtare shkruajnë se eventi me kryefjalë të bukurën dhe elegancën ishte një botë larg Allahbadit në Indi, ku ajo pësoi djegie të rënda në fytyrë dhe humbi njërin sy dy vite më parë, pasi u sulmua me acid sulfurik nga ish­kunati i saj dhe burra të tjerë.

Quereshi nuk kishte menduar kurrë se do të udhëtonte jashtë vendit, e aq më tepër të sfilonte në Nju­Jork. Sipas “Daily Mail”, pasi iu nënshtrua një sërë operacioneve kirurgjikale dhe tentoi të vetëvritej disa herë, e reja u takua me themeluesin e grupit “Bëj dashuri, jo shenja”, që ndihmon të mbijetuarit e krimeve me sfond gjinor.

Tani 19­vjeçarja është imazhi i fushatës online të grupit, që ka marrë mbi 1.3 milion klikime.