Xhudisti egjiptian nuk ia zgjat dorën fituesit izraelit

12 Gusht 2016 - 18:14      

Gjatë Lojërave Olimpike në Rio po ndodhin shumë lajme që po bëjnë xhiron e botës. Përveç sukseseve dhe shembujve për t’u ndjekur, ka edhe raste të cilat nuk po vlerësohen si të mira.

Një i fundit ka ndodhur gjatë meçit mes xhudistëve të kategorisë +100kg, ku fituesi i meçit, izraeliti Or Sasson ia ka zgjatur dorën egjiptianit Islam El Shehaby, por ky i fundit nuk ka pranuar që t’ia zgjatë dorën, transmeton Koha.net.

E gjitha kjo ka shkuar në transmetim direkt në televizione të botës. Pas përfundimit të meçit dhe këtij rasti kanë vërshuar reagimet se nuk ka qenë gjest i mirë, sepse sporti nuk duhet të ndikohet nga rrethanat tjera.

Shtrirja e dorës në fillim dhe fund të meçit është rregull i pashkruar në këtë sport luftarak, pasi kjo vjen nga gjeneza e xhudos në Japoni, ku shtrirja e dorës vulos respektin mes palëve.

© KOHA. Të gjitha të drejtat janë të rezervuara.