Foto: Koha / ilustrim

Hiqen disa prej tabelave me emërtimet e reja të rrugëve në Podujevë

15 Shkurt 2017 - 11:10      

Tabela e rrugës që mbante emrin e Ramadan Salihut, prindit të drejtorit për Planifikim Urban dhe Mbrojtje të Mjedisit, Durim Salihu, është mbuluar me ngjyrë e më vonë edhe është hequr krejt nga shtylla. Kjo rrugë më parë quhej “Rruga e Xhamisë”.

Ndryshimi është bërë në vitin 2015, kur janë miratuar në Kuvendin Komunal propozimet e Komisionit që ishte ngritur për këtë çështje, shkruan sot “Koha Ditore”. Tabelat me emërtimet e reja kanë filluar të vendosen në vitin e kaluar, projekt ky që është duke u financuar nga Komisioni Evropian.

Drejtori Durim Salihu nuk ka folur për natyrën e ankesave të qytetarëve. Sipas tij, projekti për vendosjen e emrave të rrugëve është në rrugë të mirë që të realizohet në afatin e përcaktuar kohor nga niveli qendror.

“Janë disa kërkesa në numër shumë të vogël nga disa qytetarë të cilët kanë propozime të reja për emërtimin e rrugëve, tashmë të emërtuara dhe të miratuara nga Kuvendi i Komunës”, ka thënë ai nëpërmjet Zyrës për informim.

E rruga “Ramadan Salihu” nuk është e vetmja që banorët kanë mospajtime. Kryesuesi i Kuvendit Komunal të Podujevës, Mehmet Gashi, ka thënë në mbledhjen e fundit se atij në zyrë i kanë shkuar 50 ankesa për emërtimet e reja... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...