1 Shkurt 2017 - 12:35
Qëllimi i kësaj vizite ishte që përfaqësuesve të shoqatës t`i shpalos iniciativën që Drejtoria e Kulturës ka marrë lidhur me shkrimin e formularëve dhe thirrjes për aplikim për subvencione në fushat e ndryshme të kulturës në alfabetin e Brajit, transmeton Koha.net.
Drejtori Vllahinja u tha përfaqësuesve të shoqatës që kjo iniciativë synon përmbushjen e obligimeve kushtetuese dhe zbatueshmërinë e ligjit për personat e verbër. Ai shtoi se përmes dokumenteve të shkruara në alfabetin e Brajit personat e kësaj kategorie të shoqërisë do ta ruajnë dhe mësojnë praktikën e leximit në Braj. Kjo njëherazi shënon edhe fillimin e fushatës për sensibilizimin e komunitetit dhe institucioneve.
Kryetari i Shoqatës së të Verbërve, Ujup Reçica çmoi lart iniciativën dhe përkrahjen e përgjithshme të Drejtorisë së Kulturës për personat e verbër të Komunës se Prishtinës. Ai tha se përmes këtyre dokumenteve si shoqatë do të jemi të barabartë me pjesën e tjetër të shoqërisë dhe do të mund të aplikojmë për realizmin dhe implementimin e projekteve të ndryshme për të cilat ka hapur thirrje publike Drejtoria Komunale e Kulturës.
Drejtori Vllahinja tha se kjo është faza e informimit dhe shumë shpejt Drejtoria e Kulturës do t`i ketë të gjithë dokumentet e shkruara në alfabetin e Brajit.
Në mënyre simbolike drejtori Vllahinja u dorëzoi pesë kopje të formularit për aplikim dhe nga një kopje aplikime për: arte vizuale, botim, festivale, film, manifestime dhe organizime, muzikë, teatër, sport dhe për projekte rinore.
© KOHA. Të gjitha të drejtat janë të rezervuara.
17 Shkurt 2017 - 00:15
16 Shkurt 2017 - 23:49
16 Shkurt 2017 - 23:41
16 Shkurt 2017 - 23:18
16 Shkurt 2017 - 23:17
Ec me kohën...