27 Maj 2013 - 11:10
Durrës, 27 maj - Kantina e verërave "Gjergj Kastrioti Skënderbeu" në Durrës vazhdon të prodhojë markat e saj të njohura të verës dhe konjakut qysh nga vitet 30.
Prodhimet tradicionale shqiptare po ndeshen me sfida të reja në konkurrencën e tregjeve bashkëkohore. Siç njofton korrespondenti i Zërit të Amerikës në Tiranë, Ilirian Agolli, kantina e verërave "Gjergj Kastrioti Skënderbeu" vazhdon të prodhojë markat e saj të njohura të verës dhe konjakut qysh nga vitet 30, duke zgjeruar praninë në Shqipëri dhe në rajon. Pranë kantinës shtrihen edhe disa dhjetëra hektarë vreshta, të cilat garantojnë freskinë e prodhimit vendas.
Prodhimet origjinale të firmave shqiptare po fitojnë gjithnjë e më shumë terren në tregjet vendase e ndërkombëtare. Një prej tyre është kantina më e vjetër e verës Gjergj Kastrioti - Skënderbeu në Durrës. Ajo ka një histori mbi 70 vjeçare dhe është me famë, sepse prodhon shumë lloje verërash. Nga një kompani shtetërore për shumë dekada qysh nga mesi i viteve 90 në Shqipërinë e izoluar, kantina Skënderbeu u privatizua në vitin 2000, duke u përshtatur më së miri në tregjet e lira, dhe rritur cilësinë e prodhimeve për të përballur konkurrentët.
Privatizimi i riktheu gjallërinë kantinës dhe shumëfishoi prodhimin. Krahas blerësve të shumtë, këtu janë gjithnjë të pranishëm edhe grupet e turistëve, që interesohen për prodhimet e agrobiznesit vendas. Për shkak të prodhimeve tipike vendase, ajo tani vizitohet nga turistët si një adresë e rëndësishme e identitetit të Durrësit të sotëm, krahas muzeumeve dhe zonave të hershme antike. Ndërsa këtu në fabrikë turistët i shoqëron nëpër reparte të ndryshme inxhinieri kimist i kantinës, Bashkim Laknori. Ai ka nis punën aty në vitin 1968, dhe ka një përvojë më shumë se 45 vjeçare.
Kantina e verërave Gjergj Kastrioti ka edhe një vresht të vetën në fshatin Shkallnuer rreth 8 km larg fabrikës. Në rrushin e saj bazohet çdo prodhim i njohur i impiantit. 00 nevoja per investime dhe teknologji të reja
Kantina është e njohur në rajon për konjakun Skëndërbeu, si edhe për rakinë dhe mushtin e rrushit, ndaj dhe qendra e vëmendjes së vizitorëve të huaj është veçanërisht teknologjia tradicionale e përgatitjes së pijeve vendase. Shumë prej këtyre vizitorëve janë kthyer përsëri këtu si tregtarë për të nënshkruar kontrata shitje dhe bashkëpunimi.
17 Shkurt 2017 - 00:15
16 Shkurt 2017 - 23:49
16 Shkurt 2017 - 23:41
16 Shkurt 2017 - 23:18
16 Shkurt 2017 - 23:17
Ec me kohën...