Liderët e 4 skuadrave të “Final Four-it” synojnë trofeun e çmuar

16 Shkurt 2017 - 20:20      

Gjithçka është gati për ‘Final Four-in’ e Kupës së Kosovës në basketboll, që do të mbahet në palestrën ‘Minatori’ në Mitrovicë.

Të premten, zhvillohen duelet gjysmëfinale, ndërsa të dielën, zhvillohet finalja, raporton KTV.

Për trofeun e parë të sezonit në basketboll, Federata e Basketbollit e Kosovës ka organizuar konferencën, me katër liderët e ekipeve pjesëmarrëse.

Përfaqësuesi i Trepçës, Besim Braha, klub që është organizator i kësaj ngjarjeje, tha se i kanë bërë të gjitha përgatitjet, që gjithçka të shkojë sipas planit.

Gjysmëfinalja e parë në konkurrencën e meshkujve do të zhvillohet ndërmjet Bashkimit dhe Pejës, takim ky që luhet të premten nga ora 16:00.
Kapiteni i Bashkimit, Qëndrim Biraj, beson në sukses pas problemeve me komponimin e ekipit, ndërsa ai i Pejës, Arti Hajdari, thotë se Peja ka udhëtuar me një qëllim.

Gjysmëfinalja e dytë, që pritet me një entuziazëm të madh, është ndërmjet Sigal Prishtinës dhe Trepçës, klasikja e basketbollit kosovar, që zhvillohet të premten nga ora 20:00.

Për këtë kanë folur basketbollisti i Prishtinës, Granit Rugova, dhe ai i Trepçës, Besnik Azemi.

Bileta për ta parë një ndeshje të ‘Final Four-it’ do të kushtojë 2 euro.
Në vitin 2016, Sigal Prishtina ishte fituese e Kupës së Kosovës në basketboll.

Pëlqejeni faqen e Koha.net për sport
comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...