Kosova do ta ketë të vështirë anëtarësimin në UNESCO, thotë ambasadori serb në këtë organizatë

15 Shkurt 2017 - 12:35      

Ambasadori i Serbisë në UNESCO, Darko Tanaskoviq, ka thënë se Kosovës i duhen dy të tretat e votave në mënyrë që të bëhet anëtare e UNESCO-s dhe se do ta ketë të vështirë t’i mbledh ato vota të nevojshme.

Tanaskoviq, duke folur në një emision në televizionin publik të Serbisë, ka thënë se 29 shtete e kanë njohur Kosovë por se janë edhe po aq shtete që nuk e kanë njohur atë nga Këshilli Ekzekutiv.

“Megjithatë, nëse Kosova do të kalonte në Këshillin Ekzekutiv, ai vendim do të shkonte në konferencën e përgjithshëm ku Kosova, si jo-anëtare e OKB-së, duhet të nxjerrë një shumicë të përgjithshme prej dy të tretave, që nuk është aspak e lehtë, siç është dëshmuar edhe më 2015”, ka thënë Tanaskoviq, transmeton Koha.net.

Por, ai thotë se është e vështirë të spekulohet për rezultatin e një kërkese të re të mundshme të Prishtinës për anëtarësim në UNESCO.

Tanaskoviq thekson se Serbia duhet të punojë që t’i bindë shtetet të cilat akoma janë të pavendosura.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...