Artisti është i dënuar të rrëfehet

18 Dhjetor 2016 - 08:30      

Ujkan Hysaj u lind më 13 shkurt 1984 në Prishtinë. Si i ri është marrë me vizatime, duke hyrë në botën e karikaturave.

Në vitin 1999, me mbi 40 karikatura ai realizoi ekspozitën e tij të parë në Francë. Me eksperiencën e artit pamor ai hyri në botën e montazhit të filmit dhe reklamave, ku punoi mbi 50 projekte të ndryshme vizuale. Studioi për fotografi dhe film në institutin “Gjon Mili” në Prishtinë, shkruan sot “Koha Ditore”.

Regjinë e filmit dhe masterin i përfundoi në Fakultetin e Arteve në Universitetin e Prishtinës. Në vitin 2010 themeloi produksionin e tij “AJO Pictures” për prodhimin e filmave dhe reklamave komerciale.

Si regjisor dhe producent i filmit ka punuar në shumë filma të shkurtër dhe dokumentarë, të cilët kanë qenë pjesë e shumë festivaleve ndërkombëtare prestigjioze të kategorisë A dhe B si: “Warsaw Film Festival”, “Melbourne Film Festival”, “Tampere Film Festival”, “Cinequest Film Festival”, “Abu Dhabi Film Festival”, “Cleveland Film Fest”, “Cine de Huesca”, “Curta Cinema Rio de Janiero Film Festival”, etj.

Filmi i tij i fundit “Kolona” ka fituar 18 çmime ndërkombëtare, si dhe ka qenë në garë për nominim për “Oscar” në kategorinë e filmit të shkurtër me nominim nga “37th Cleveland Film Festival 2013 - Best Live Action Short (Oscar Qualifier for Nomination)”.

Ujkan Hysaj po ashtu është fitues i çmimit vjetor për kinematografi “Bekim Fehmiu” për vitin 2013, çmim i cili ndahet nga Ministria e Kulturës, Rinisë dhe Sportit e Republikës së Kosovës.

Hysaj është personazhi i kësaj jave që rrëfehet në rubrikën e përjavshme “7 Shkronjat” në “E diela e Koha Ditore”.

Trungu familjar. Krejt më thoshin që i kam ngjarë gjyshit, hunda, goja, sjellja e mimikat e fytyrës. Edhe kur nuk ka dashur të flasë, ai ka shprehur një gjendje emocionale.

Shpesh njerëzit më pyesin se ç’kam? Unë humbas, mendoj diçka dhe subjekti i asaj çka shoh reflekton në fytyrën time... (më gjerësisht lexoni sot në “E Diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara. 

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...