[Te Linda] Speca të mbushur me spinaq [video]

11 Shkurt 2015 - 10:40      

Recetë për speca të mbushur me spinaq.

Përbërësit:
400 gr. file pule
300 gr. spinaq
1 ½ hudhër
40 gr. bollgur
Vaj ulliri
1 lugë çaji origano
2-3 domate
Speca (sipas dëshirës)

Përgatitja:
Fillojmë me mishin e pulës, të cilin do ta bluajmë. Deri sa të bluhet mishi, i bëjmë gati specat. I ndajmë në gjysmë, pasi që ashtu edhe do të mbushen. I largojmë farat nga speci.

Shtojmë vajin e ullirit në enë. Pastaj hedhim mishin për ta skuqur. Gjatë skuqjes së mishit, vazhdojmë me pastrimin e specave.

Shtojmë hudhrën, spinaqin, bollgurin, kripën e origanon tek mishi që po skuqet. Vendosim edhe shumë pak ujë, piper të zi, presim deri sa të skuqen 2-3 minuta dhe pastaj vazhdojmë.

Pasi të përfundojë skuqja, vazhdojmë me mbushjen e specave të cilat i kemi pastruar me masën e përzier.

Prejmë domaten të cilën e bëjmë me rende. Masën e fituar të domateve e përziejmë me masën e mbetur në enë. Masën e përzier e vendosim poshtë specave.

Vendosim edhe pak vaj ulliri. Mbulojmë specat me folie. Pjeket në temperaturë 200 gradë, përafërsisht për 30-40 minuta.

Pasi kalojnë rreth 20 minuta, ia largojmë folien, në mënyrë që të vazhdojë skuqja mbi.

E vendosim pa folie, ku piqet edhe për rreth 20 minuta tjera.

Ju bëftë mirë!

© KOHA.net

comments powered by Disqus

Të fundit

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...