Mali i Zi ia heq imunitetin dy zyrtarëve të lartë të opozitës të akuzuar për tentim-puç

13 Shkurt 2017 - 18:05      

Një komision parlamentar në Mal të Zi e ka miratuar kërkesën e prokurorisë speciale për t’ia hequr imunitetin dy zyrtarëve të lartë të opozitës të cilët dyshohen se janë përfshirë në përpjekjen për grusht shtet.

Prokurori Milivoje Katniq e ka hartuar mocionin që mundëson paraburgosjen e Andrija Mandiq dhe Milan Knezeviqit, dhe përballjen e tyre të mëpasshme me gjykatën.

Katniq pretendon se të dy liderët e partisë pro Kremlinit, Fronti Demokratik, dhe që kundërshton anëtarësimin në NATO, dyshohet se “kanë themeluar organizatë kriminale” dhe janë përfshirë në përpjekjet kundër rendit kushtetues dhe sigurisë në Mal të Zi.

Mocioni për heqjen e imunitetit të dy liderëve opozitar duhet të konfirmohet në parlament, votim ky që pritet të mbahet më 15 shkurt.

Mandiq dhe Knezeviq i kanë hedhur poshtë akuzat.

Mali i Zi ka arrestuar rreth 20 persona në lidhje me përpjekjen për grusht shtet të muajit tetor, shumica shtetas të Serbisë.

Rusia e ka hedhur poshtë akuzën se është e përfshirë, por në mënyrë aktive ka përkrahur grupet vendore që kundërshtojnë anëtarësimin e Malit të Zi në NATO./REL
 

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...