India në një mision lançoi 104 satelitë

16 Shkurt 2017 - 11:23      

New Delhi, 16 shkurt – Agjencia Hapësinore e Indisë njoftoi se me sukses ka lançuar në orbitë raketën me 104 satelitë, që thyen rekordin e Rusisë.

Organizata indiane për studime hapësinore (ISRO) njoftoi se raketa me nanosatelitë, me peshë prej 10 kilogramëve, u lançua nga stacioni hapësinor jugor në Sriharikoti.

India me këtë hap ka vendosur rekord të ri botëror si një vend i cili ka lançuar numrin më të madh të satelitëve përnjëherë duke kaluar Rusinë, e cila në qershor të vitit 2014 lançoi 39 satelitë në një mision.

Gati të gjithë nanosatelitët vijnë nga Shtetet e Bashkuara të Amerikës, Emiratet e Bashkuara Arabe, Izraeli, Holanda dhe Kazakistani, njoftoi ISRO.

“Të gjithë 104 satelitët me sukses janë vendosur në orbitë”, tha kryetari i agjencisë, Kiran Kumar.

Kryeministri i Indisë, Narendra Modi shkroi në Twitter se “Hap i jashtëzakonshëm i ISRO-s, edhe një moment krenues për komunitetin tonë hapësinor dhe kombin."

India garon me aktorët tjerë ndërkombëtar për pjesëmarrje më të madhe në tregun e lançimit, ndërsa dihet edhe për programin e përshtatshëm financiar hapësinor. Ky vend në vitin 2013 me sukses lançoi raketë pa personel në orbitën e Marsit, ku paraprakisht e ka realizuar vetëm SHBA-të, ish-Bashkimi Sovjetik dhe Agjencia Hapësinore Evropiane.

comments powered by Disqus

038 249 105     info@koha.net    Sheshi Nënë Tereza pn, Prishtinë

Kjo faqe kontrollohet dhe menaxhohet nga KOHA. Të gjitha materialet në të, përfshirë fotografitë, janë të mbrojtura me copyright të KOHA-s dhe për to KOHA mban të drejtat e rezervuara. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të KOHA-s. Shfrytëzimi i materialeve nga ndonjë faqe interneti a medium tjetër pa lejen e Grupit KOHA, në emër të krejt njësive që e përbëjnë (Koha Ditore, KohaVision, Koha.net, Botimet KOHA, KOHA Print dhe ARTA), është shkelje e drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin.

Ec me kohën...